کلیپ تصویری حسین گلدی کربلایه قوناق - ترجمه
پخش شده از شبکه آی فیلم IFILM
با نوای سیدصادق موسوی- مداحی از شهر دوزخورماطو استان کرکوک عراق
حسین گلدی کربلایه قوناق
حسین گلدی کربلایه قوناق گوزلروندن ایراق یا رسولالله
ئولوب عطشان فاطمه بالاسی دوشدی ائلدن اوزاق یا رسولالله
***********************
محرمده قان گلر جوشه – دوشر یاده قبر شش‌گوشه – یا رسولالله (۲)
***********************
حسینون قوربان اولوم آدینا بیزلره بو آدی مادر ئورگتدی
ویلادتده جبرئیل امین گاهواره‌سینی گلدی ترپتدی
***********************
ولی بیلمم کربلاده نیه سینه‌سین بوغازین شمره گورستدی
معاذ الله اللهین قانینی توکدی اهل عراق یا رسولالله
***********************
محرمده قان گلر جوشه – دوشر یاده قبر شش‌گوشه – یا رسولالله (۲)
***********************
سلام اولسون قانلی لبلره کی ایستیدن قورودی سو کنارینده
دِیَللَر سو مهر فاطمه‌دی قالدی اجنبی‌لر اختیارینده
***********************
حوسینون بیر سود امر بالاسین تشنه اوخلادیلار قان دیارینده
یارالی قوش‌‌تک بَلَکده بالا چالدی هی ال ایاق یا رسولالله
***********************
محرمده قان گلر جوشه – دوشر یاده قبر شش‌گوشه – یا رسولالله (۲)
***********************
محرمده قاره پرچم اسر سینه‌ده قیزیشار شیعه‌لر قانی
دولان گوزلر کربلایه باخار قطره قطره آخار هی جیگر قانی
***********************
همین آیدا قاره یل اسیلوب گویلره سپیلوب سود امر قانی
حسین آغلوردی او حاله ولی گولدی دیل‌سیز اوشاق یا رسولالله
***********************
محرمده قان گلر جوشه – دوشر یاده قبر شش‌گوشه – یا رسولالله (۲)
***********************
محرمده سینه‌لر آچیلار غملی سینه‌زنان دیل کباب آغلار
سپهرِ عشقین ستاره‌سینه ماه قاره گئیر آفتاب آغلار
***********************
او گوندن مین دورت یوز ایلدی گئچوب ایندیده بئله بیللَم رباب آغلار
دییردی اوغلوم گئدنده سووا ترپنوردی دوداق یا رسولالله
***********************
محرمده قان گلر جوشه – دوشر یاده قبر شش‌گوشه – یا رسولالله (۲)
***********************
غرض عاشورا گونی قوتاروب غارت اولدی حرم خیمه‌لر یاندی
قرا گئیدی دشت کرب‌و‌بلا اولدو شام عزا نوحه باشلاندی
***********************
یانان دیللَر بیر یانان چادیرا جمع اولوبدی هامی سینه سوزاندی
بالا قیزلار قورخا قورخا یاتوب قالدی زینب اویاق یا رسولالله
***********************
محرمده قان گلر جوشه – دوشر یاده قبر شش‌گوشه – یا رسولالله (۲)
***********************
نگهبانیدی همان چادیرا مرتضی قیزی تا گلمیه دشمن
گوروب ناگه بیر سیزیلتی گلور گلدی سسلدی آی آغلیان کیم‌سن
***********************
او دیل‌خسته یانه یانه دئدی چوخدی دردیم اوغول‌سوز ربابم من
قرانلوقدا آختاریردی گولون دیلده داغ فراق یا رسولالله
***********************
محرمده قان گلر جوشه – دوشر یاده قبر شش‌گوشه – یا رسولالله (۲)
***********************
دیه بیللَم اصغرین آناسی صبحه‌تک او گجه ماتمه باتدی
دیه بیللَم هی دئدی بالا وای قان ایچینده اباالفضلی آغلاتدی
***********************
سو ایچمیشدی سود فراهمیدی سسلنوردی بالام قان ایچوب یاتدی
چتیندی املیک قوزی وئره جان لیک آنا قالا ساق یا رسولالله
***********************
محرمده قان گلر جوشه – دوشر یاده قبر شش‌گوشه – یا رسولالله (۲)