Arbaeen Zaeriam, Hüseyn Bax Mane (Abbasalt Ebrahimi)

زوّار حسینم حسیندی علاقه م
بو اربعین آقا حسینه قوناغم
مولا نظر ایله بو پریشانه
جانیم قربان سلطان لب عطشانه
حسین جانم

اربعین زائریم حسین باخ منه
پرچمون حاملیم حسین باخ منه

قاره یاشیل قرمز
علم لر اوجالدی
ای وای حسین صوتی طنین عرشه سالدی
دنیا گدر قالماز، حسین دور کی قالدی

گینه ابر بهاران کیمی دولّام
حسین وای سسلرم گول کیمی سولّام
بو اربعین حسینه قوناخ اولّام

عاشیقلرون مولا گلیر کربلایه
عباسوی سسلور هر عاشیق هرایه
یکسر گییمیشلر لباس عزایه

منیم روحیم عشقیم سن حبیبیمسن
منم بیمار عشقون سن طبیبیمسن

آقام آقام غریب آقام
گدای شهر غمم
شهریاری آختاریام
قدم قدم دولانیب کوی یاری آختاریام

فرشته شهپری اوسته بهشته گدسم اگر
گورن منی بیلر آیری بیر دیاری آختاریام
سوروشسلار هارانی آختاریر گوزون دییرم
من آلتی گوشه اولان بیر مزاری آختاریام